Homies 4 Life - Mittelmeer

MP:
Du lebsch in an Lond do wo Kriag isch und Diktatur
Die Familie hosch verloren und von Hilfe koane Spur
schlogsch di durch irgendwai af dor Stroß
Ober sobold di Sun aweck isch geats Gebombe wieder los
Und du woasch dass du weg muasch ober wia?
Flüchten isch gfährlich, du woasch net ob du’s riskiersch
ober leider gibs koan Ausweg,
dass du länger bleiben konnsch isch für di selber lei an Ausred
Olls wos hosch gibsch in an Schlepper
in dor Hoffnung dass es Orte gib, do isch es Leben besser
sie zwängen die aufs Boot mit 200 Leit
ohne Verpflegung und die Reise isch weit
es Meer isch groaß, es Boot zu kloan
olls wos du gern wieder hesch isch lei a Dorhoam
dor Wind werd stork die Wellen zu hoach
die Nocht isch schworz in dor Luft lig dor Toat
Kinder de schreien Frauen de rären
Ober ihre Stimmen de werd nia jemand hearn
es Wosser ziacht es Boot noch unten
und die Hoffnung isch für ollm verschwunden

REF:
Willkommen in Europa ohne Menschlichkeit
Wo´s koan Mitgefühl gib für Menschenleid
Sie sogn für des Leid gib’s koane Mittel mehr
Und die Zeugen sein die Leichen im Mittelmeer

Destroya:
Maschinengewehr, schun wieder Bombenalarm
A fünfjährigs Kind des von a Ponzerfaust tramp
Die Muater nimbs Kind schaug’s es leschte mol un
Gibs in an Schlepper und hofft es kimp un
Für a bessere Zukunft in an fremden Lond
Dass dor Kriag von sem kimp isch ihr bestens bekonnt
Ober sie hot koane Wohl, wos soll sen a tian?
Sie flüchten wegen ins, wos gibs do no zu verstian?

Gesta:
Oder zu erklären, weil de Bilder sprechen Bände
Insre Nationalgewässer spialn Leichen an die Strände
Stimmen de verstummen, Leit de wos schreien
In die Stille von dor Nocht, zwischen Leichen de wos treiben
Die Kinder no in Orm fühlsch es leschte mol Liebe
Donn reißt sie es Meer mit a Welle in die Tiefe
Hoffnung verschwindet mit dor Luft aus deine Lungen
Wia oaner von viele für olm verschwunden


Homies 4 Life 2016